ندايا تطبيق عربي يرافقج من الصبح للمساء: يعطيج روتين لبشرتج حسب نوعها، يقترح ألوان مكياج تناسبج، وينسّقلج لبس اليوم من خزانتج حسب الطقس. يشتغل من متصفح تلفونج، وتثبّتينه على الشاشة الرئيسية مثل أي تطبيق.
شنو تسوي ندايا؟
بشرتج
روتين العناية بالبشرة
جاوبي كم سؤال عن نوع بشرتج وشنو يزعجج، ويطلعلج روتين صباح ومساء بخطوات مرتّبة. كل خطوة معها سبب، حتى تعرفين شنو تسوين وليش، وتتابعين يومج خطوة بخطوة.
مكياجج
ألوان وإطلالات المكياج
ألوان تناسب درجة بشرتج وعروقها، وإطلالات جاهزة للدوام والجامعة والطلعات والمناسبات. وتجرّبين الأحمر والبلشر وظلال العيون وألوان الشعر على صورتج من المتصفح، والصورة تبقى على تلفونج.
لبسج
تنسيق الملابس
ضيفي قطع خزانتج بصورة، وندايا تنسّقلج إطلالة اليوم حسب الطقس والمناسبة (دوام، جامعة، طلعة، مناسبة)، بألوان تتناسق ويا بعضها وتناسبج.
شلون تشتغل؟
- ١جاوبي أسئلة سريعة
عن نوع بشرتج وشنو يزعجج، وعن مدينتج حتى نعرف الطقس.
- ٢جهّزي روتينج وخزانتج
يطلعلج روتين صباح ومساء، وتضيفين قطع لبسج بالتصوير.
- ٣كملي يومج وياها
كل صباح روتين وطقس وتنسيق، وتذكير بإشعار إذا تحبين.
ليش ندايا؟
- بالعربي وبلهجتنا كلام بسيط وخطوات واضحة، بدون مصطلحات تتعبج.
- من المتصفح بدون متجر: ثبّتيها على الشاشة الرئيسية من سفاري أو كروم، وتتحدّث لحالها.
- صورج خاصة تنحفظ بمكان خاص ما يشوفه غيرج، وتمسحينها بأي وقت.
- بدون وعود مبالغ بيها نقترح ونشرح، وما نشخّص حالات.
أسئلة شائعة
هل ندايا مجانية؟
إي، تبدين مجاناً: اختبار البشرة والروتين اليومي، والتنسيق اليومي من خزانتج، وألوانج، ولحظة لنفسي. بعض الميزات المتقدمة، مثل الفحص الأسبوعي لبشرتج وتجربة المكياج على صورتج وخزانة أكبر، تكون ضمن باقة اشتراك.
شلون أثبّت ندايا على تلفوني؟
على الآيفون افتحي nadaya.app بسفاري، اضغطي زر المشاركة، واختاري «إضافة إلى الشاشة الرئيسية». وعلى الأندرويد افتحيه بكروم، وبقائمة النقاط الثلاث اختاري «إضافة إلى الشاشة الرئيسية» أو «تثبيت التطبيق». تلگين ندايا بين تطبيقاتج.
هل ندايا موقع لو تطبيق؟
ندايا تشتغل من المتصفح مباشرة، وتثبّتينها على الشاشة الرئيسية مثل أي تطبيق بدون متجر، وتتحدّث لحالها كل ما نضيف شي جديد.
هل صوري محفوظة بأمان؟
صورج تنحفظ بمكان خاص ما يشوفه غيرج، وتقدرين تمسحينها كلها بأي وقت من الإعدادات. الصور اللي تحلّلها ندايا، مثل صورة الوجه أو صورة قطعة اللبس، تنرسل للتحليل فقط. أما تجربة المكياج فتصير على تلفونج والصورة ما ترتفع لأي مكان.
شلون تعرف ندايا نوع بشرتي ولونها؟
من إجاباتج على أسئلة بسيطة، ومن صورة اختيارية إذا حبيتي. النتيجة تقدير يساعدج تختارين، مو تشخيص، وتقدرين تعدّلين إجاباتج وتعيدين الاختبار بأي وقت.
هل ندايا بديل عن طبيبة الجلدية؟
لا. ندايا تقترح روتين عناية عام وتشرح خطواته، وما تشخّص حالتج. إذا عندج حب شباب شديد أو تحسس أو التهاب مستمر بالبشرة، راجعي طبيبة جلدية.
شلون أمسح حسابي وبياناتي؟
من «الإعدادات» تمسحين كل صورج فوراً، أو تطلبين حذف حسابج وينمسح بكل صوره وبياناته بعد ٧ أيام. وإذا غيّرتي رأيج خلال هالمدة، سجلي دخولج ويرجع كلشي مثل ما جان.
هل ترسل ندايا إشعارات؟
إي، تذكير الصباح بالطقس والروتين وتنسيق اليوم، وتذكير للماي وتذكير بالمساء، وتقدرين تطفين أي واحد. على الآيفون تشتغل الإشعارات من النسخة المضافة للشاشة الرئيسية، بنظام iOS 16.4 أو أحدث.
على أي جهاز تشتغل؟
على متصفح التلفون، آيفون أو أندرويد، وعلى الكمبيوتر.